വരുമാനം വര്‍ധിപ്പിക്കാന്‍ പുതിയ മേഖലകളിലേക്ക് ജല അതോറിറ്റി.
- Posted on October 10, 2024
- News
- By Goutham prakash
- 234 Views
മ്യൂസിയവും, ഇന്‍ഫോടെയിന്‍മെന്റ് പാര്‍ക്ക് ,അതിഥി മന്ദിരങ്ങളുമായി
ജല വകുപ്പ്.
സി.ഡി. സുനീഷ്.
ജല അതോറിറ്റിയുടെ വരുമാനം വര്‍ധിപ്പിക്കുന്നതിന്റെ ഭാഗമായി ടൂറിസം അടക്കമുള്ള മേഖലകളിലേക്ക് കടക്കുമെന്ന് മന്ത്രി റോഷി അഗസ്റ്റിന്‍. ആലപ്പുഴ എംഎല്‍എ പി.പി. ചിത്തരഞ്ജന്റെ ഉപചോദ്യത്തിനുള്ള മറുപടിയായാണ് മന്ത്രി ഇക്കാര്യം വ്യക്തമാക്കിയത്.
ജല അതോറിറ്റിയുടെ ശുദ്ധീകരണ ശാലകളും ജലസംഭരണികളും സ്ഥിതി ചെയ്യുന്ന പ്രകൃതി മനോഹരമായ സ്ഥലങ്ങളില്‍ അടിസ്ഥാന സൗകര്യമൊരുക്കി വിനോദ സഞ്ചാരത്തിന് ഉതകംവിധം വികസിപ്പിക്കാനാണ് പദ്ധതി. വാട്ടര്‍ അതോറിറ്റിയുടെ പക്കലുള്ള അതിഥി മന്ദിരങ്ങള്‍ പുതുക്കി പണിയുകയും നിലവില്‍ അതിഥി മന്ദിരങ്ങള്‍ ഇല്ലാത്ത സ്ഥലങ്ങളില്‍ പുതിയത് നിര്‍മിക്കുകയും ചെയ്യും. പൊതുജനങ്ങള്‍ക്ക് ഓണ്‍ലൈന്‍ വഴി ബുക്ക് ചെയ്തു താമസിക്കാവുന്ന തരത്തിലാകും ക്രമീകരിക്കുകയെന്നും മന്ത്രി പറഞ്ഞു.
വാട്ടര്‍ അതോറിറ്റിയുടെ സ്ഥലങ്ങളില്‍ പൊതുസ്വകാര്യ പങ്കാളിത്തത്തോടെ അറിവും ആഘോഷവും സമന്വയിപ്പിച്ചുള്ള ഇന്‍ഫോടെയിന്‍മെന്റ് കേന്ദ്രങ്ങള്‍ ഒരുക്കുന്ന നടപടികള്‍ക്ക് തുടക്കം കുറിച്ചു. ആദ്യ ഘട്ടത്തില്‍ തിരുവനന്തപുരത്ത് മ്യൂസിയം ജംഗ്ഷനില്‍ ക്യാപ്റ്റന്‍ ലക്ഷ്മി പാര്‍ക്കിന് സമീപം കേരള സ്റ്റാര്‍ട്ടപ്പ് മിഷന്റെ സഹായത്തോടെ ഇന്‍ഫോടെയിന്‍മെന്റ് പാര്‍ക്ക് സ്ഥാപിക്കാനാണ് തീരുമാനം.
പോഷകാഹാര സുരക്ഷയിലേക്കുള്ള വലിയ ചുവടുവെപ്പുമായി കേന്ദ്രം.
കണ്‍വന്‍ഷന്‍ സെന്ററുകളും വാണിജ്യ കേന്ദ്രങ്ങളും നിര്‍മിച്ചു വാടകയ്ക്കു നല്‍കി വരുമാനം വര്‍ധിപ്പിക്കുന്നതും പരിശോധിച്ചു വരികയാണ്. തിരുവനന്തപുരം വെള്ളയമ്പലത്തുള്ള 90 വര്‍ഷം പഴക്കമുള്ള കേരള വാട്ടര്‍ അതോറിറ്റിയുടെ ആസ്ഥാന മന്ദിരത്തില്‍ വാട്ടര്‍ മ്യൂസിയം സ്ഥാപിക്കുന്നതിനുള്ള ഒരുക്കങ്ങള്‍ക്ക് തുടക്കം കുറിച്ചതായും മന്ത്രി അറിയിച്ചു.
പുരാതന കെട്ടിടത്തിന്റെ തനിമ നിലനിര്‍ത്തിയാകും മ്യൂസിയം ഒരുക്കുക. ആധുനിക സാങ്കേതികവിദ്യയുടെ സാഹയത്തോടെ ചരിത്രം, ജലശുദ്ധീകരണത്തിന്റെ പ്രാധാന്യം, സാങ്കേതിക ഘടങ്ങളുടെ പ്രോട്ടോടൈപ്പ് എന്നിവ സംയോജിപ്പിച്ച് ആറു ഗാലറികളിലായിതയാറാക്കുന്ന മ്യൂസിയത്തില്‍ വിനോദവും വിജ്ഞാനവും കോര്‍ത്തിണക്കുന്ന രീതിയിലാണ് വിഭാവം ചെയ്യുകക, അതോറിറ്റിയുടെ നിലവിലുള്ള പരിശീലന കേന്ദ്രങ്ങളില്‍ പ്ലംബിങ്, ജലശുദ്ധീകരണം തുടങ്ങിയ മേഖലകളില്‍ സര്‍ട്ടിഫിക്കറ്റ് കോഴ്‌സ്, ശേഷി വികസന പരിശീലനം തുടങ്ങിയവ നടപ്പിലാക്കുമെന്നും മന്ത്രി പറഞ്ഞു.
