തണ്ണീർത്തടങ്ങൾ ജനകീയ പങ്കാളിത്തത്തോടെ സംരംക്ഷിക്കണം,ഡോ.ബി. മീനാകുമാരി, ട്രോപ്പിക്കൽ ബയോ സമിറ്റിന് കൊച്ചിയിൽ തുടക്കമായി.

 ജനകീയ പങ്കാളിത്തത്തോടെ തണ്ണീർത്തടങ്ങൾ സംരംക്ഷിക്കണ്ടത് സുസ്ഥിരമായ നില നില്പിന് അനിവാര്യമാണെന്ന് ദേശീയ ജൈവ വൈവിധ്യ അതോറിറ്റി മുൻ ചെയർ പേഴ്സൻ ഡോ. ബി. മീനാകുമാരി പറഞ്ഞു.

കേരള യൂണിവേഴ്സിറ്റി ഓഫ് ഫിഷറീസ് ആന്റ് ഓഷ്യൻ സ്റ്റഡീസും 

സെന്റർ ഫോർ ട്രോപ്പിക്കൽ ബയോഡൈവേഴ്സിറ്റി കൺസർവേഷനും സംയുക്തമായി സംഘടിപ്പിച്ച ടോപ്പിക്കൽ ബയോ സമിറ്റ് ഉദ്ഘാടനം ചെയ്തു സംസാരിക്കുകയായിരുന്നു ഡോ. മീനാകുമാരി.

തണ്ണീർത്തടങ്ങൾ ലോകത്ത് ആറു ശതമാനം മാത്രമാണുള്ളതെങ്കിലും  നാല്പതു ശതമാനം മൃഗങ്ങളുടേയും . മനുഷ്യരുടേയും അതിജീവനത്തിന്റേയും ഭക്ഷണ 

ത്തിന്റേയും ജൈവ ചക്രങ്ങളായ തണ്ണീർത്തടങ്ങൾ സംരംക്ഷിക്കേണ്ടത് നില നില്പിന് അനിവാര്യമാണെന്ന് മീനാകുമാരി വ്യക്തമാക്കി.

ജനകീയ പങ്കാളിത്തത്തോടെയുള്ള നയാസൂത്രണങ്ങളില്ലാതെ തണ്ണീർത്തടങ്ങൾ സംരംക്ഷിക്കപ്പെടില്ലെന്ന് കുഫോസ് വൈസ് ചാൻസ് ലർ ഡോ.എ. ബിജുകുമാർ പറഞ്ഞു.

ഭൂമിയുടെ സുസ്ഥിരമായ നില നില്പ് വലിയ പ്രതിസന്ധി നേരിടുന്ന പശ്ചാത്തലത്തിൽ,

ഭൂമധ്യരേഖാപ്രദേശത്തെ (ട്രോപ്പിക്കൽ) ആവാസവ്യവസ്ഥകൾ നേരിടുന്നവെല്ലുവിളികൾ ശാസ്ത്രീയമായും നയപരമായും വിലയിരുത്തി പരിഹാര മാർഗങ്ങൾ ചർച്ച ചെയ്യുന്ന ഉച്ചകോടിയായ ട്രോപ്പിക്കൽ ബയോസമ്മിറ്റ് 2025 കേരള യൂണിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസിൽ  (KUFOS) തുടക്കമായി.

അതിവേഗം നാശോന്മുഖമാകുന്ന  പോകുന്ന

തീരദേശ - തണ്ണീർത്തട ആവാസവ്യവസ്ഥകളിൽ വർദ്ധിച്ചുവരുന്ന സമ്മർദ്ദങ്ങൾ, കാലാവസ്ഥാ വ്യതിയാനത്തെ തുടർന്ന് ഉഷ്ണമേഖല ജൈവവൈവിധ്യത്തിന് നേരിടേണ്ടിവരുന്ന ഭീഷണികൾ എന്നിവയെ വിലയിരുത്തുന്നതിനും വ്യവസായ–

അക്കാദമിക് സഹകരണത്തിലൂടെ സുസ്ഥിര നടത്തിപ്പിനായി ജീവ–സാമ്പത്തിക (ബയോ–ഫൈനാൻസിംഗ്) മാതൃക വികസിപ്പിക്കുന്നതിനുമാണ് ഈ യോഗത്തെ രൂപകൽപ്പന ചെയ്തിരിക്കുന്നത്.  

ബർലിൻ നാച്ചുറൽ ഹിസ്റ്ററി മ്യൂസിയത്തിന്റെ സീനിയർ ഗവേഷകൻ ഡോ. ജോർഗ് ഫ്രൈഹോഫ്; യുകെ മഹ്സീർ ട്രസ്റ്റിന്റെ എക്സിക്യൂട്ടീവ് ഡയറക്ടർ മിസ്റ്റർ സ്റ്റീവ് ലോക്കറ്റ്; ശ്രീലങ്കയുടെ ദേശീയ ജലസമ്പത്ത് ഗവേഷണ-വികസന ഏജൻസിയുടെ ഉപഡയറക്ടർ ജനറൽ ഡോ. കെ.എച്ച്.എം.എൽ. അമരലാൽ; ഇന്ത്യയുടെ ദീപ് ഓഷൻ മിഷന്റെ മിഷൻ ഡയറക്ടർ ഡോ. എം.വി. രമന മൂർത്തി; വെറ്റ്ലാൻഡ്സ് ഇന്റർനാഷണൽ (ദക്ഷിണേഷ്യ) ഡയറക്ടർ ഡോ. രിതേഷ്കുമാർ; സെൻട്രൽ ഏഷ്യൻ കൺസർവേഷൻ നെറ്റ്വർക്കിന്റെ സയൻസ് കോർഡിനേറ്റർ ഡോ. രമേഷ് എസ്. കുമാർ; സെൻട്രൽ  യൂണിവേഴ്സിറ്റി ഓഫ് പഞ്ചാബിലെ പ്രൊഫസർ ഡോ. ഫെലിക്സ് ബാസ്റ്റ്; നാഷണൽ സെന്റർ ഫോർ സസ്റ്റെയ്നബിൾ കോസ്റ്റൽ മാനേജ്മെന്റിലെ സയന്റിസ്റ് ഇ  ഡോ. ദീപക് സാമുവൽ; പുതുച്ചേരി സർവകലാശാല പ്രൊഫസർ ഡോ. കെ. ശിവകുമാർ; ലക്ഷദ്വീപ് ശാസ്ത്ര–സാങ്കേതിക വകുപ്പ് ഡെപ്യൂട്ടി ഡയറക്ടർ ഡോ. കെ.കെ. ഇദ്രീസ് ബാബു എന്നിവരും മറ്റു പ്രമുഖരും ചർച്ചകളും നയിക്കും.

പ്രധാന കേന്ദ്രീകൃത വിഷയം: വെട്ലാൻഡ് സംരക്ഷണത്തിനായുള്ള ബയോ–ഫൈനാൻസിംഗ് മാതൃക വികസനം

ട്രോപിക്കൽ ബയോ സമ്മിറ്റ് 2025–ന്റെ പ്രധാന ലക്ഷ്യങ്ങളിൽ ഒന്ന് വെട്ലാൻഡ് പുനരുദ്ധാരണത്തിനും ദീർഘകാല സുസ്ഥിര മാനേജ്മെന്റിനുമായി ഒരു ബയോ–ഫൈനാൻസിംഗ് സംവിധാനം രൂപപ്പെടുത്തിയെടുക്കുകയാണ്. പരിസ്ഥിതി മൂല്യങ്ങളെ സാമ്പത്തിക സംവിധാനങ്ങളിലേക്ക് ഏകീകരിക്കുന്നതിനായി ഇക്കോളജിക്കൽ ക്രെഡിറ്റുകൾ, നേച്ചർ–ബേസ്ഡ് ബോണ്ടുകൾ, കമ്മ്യൂണിറ്റി സ്റ്റീവർഡ്ഷിപ്പ് ഫണ്ടുകൾ, പബ്ലിക്–പ്രൈവറ്റ് ഇൻവെസ്റ്റ്മെന്റ് പ്ലാറ്റ്ഫോമുകൾ എന്നിവ പോലുള്ള നവീന ഫിനാൻഷ്യൽ സിസ്റ്റംസ്  ഇതിൽ ഉൾപ്പെടും. തീരദേശ–ദ്വീപ് പ്രദേശങ്ങൾ ഉൾപ്പെടെ ഇന്ത്യയുടെ പ്രത്യേക ഭൂപ്രകൃതിക്ക് യോജിച്ച രീതിയിലാണ് ഈ മാതൃക രൂപപ്പെടുത്തുന്നത്. സാമ്പത്തിക പ്രോത്സാഹനങ്ങൾ സംരക്ഷണവുമായി ബന്ധിപ്പിച്ച് ഗവേഷണസ്ഥാപനങ്ങൾ, വ്യവസായം, ധനകാര്യ മേഖലം, പ്രാദേശിക സമൂഹങ്ങൾ എന്നിവ കൈകോർത്ത് പ്രവർത്തിക്കാൻ വഴിത്തിരിവ് സൃഷ്ടിക്കുന്നതും ഈ സംവാദങ്ങളുടെ ലക്ഷ്യങ്ങളിൽപ്പെടുന്നു.

മറ്റ് ചർച്ച വിഷയങ്ങൾ

ഇന്ത്യയിലുടനീളമുള്ള ശാസ്ത്രജ്ഞർ, സംരക്ഷണ മാനേജർമാർ, നിയന്ത്രണ ഏജൻസികൾ, സാങ്കേതിക വിദഗ്ധർ, യുവഗവേഷകർ, പ്രായോഗിക രംഗത്ത് പ്രവർത്തിക്കുന്നവർ എന്നിവരാണ് ഈ പരിപാടിയിൽ പങ്കെടുക്കുന്നത്. ചർച്ചകൾ ഇതുൾപ്പെടെയുള്ള മേഖലകളിലായിരിക്കും:

• തണ്ണീർത്തട ആരോഗ്യവും പുനരുദ്ധാരണവും

• കടൽ–തീരദേശ പരിസ്ഥിതി നേതൃത്വം

• കാലാവസ്ഥാ അനുയോജന പാതകൾ

• അധിനിവേശ ജീവിവർഗങ്ങളുടെ സ്വാധീനം

• സമൂഹ പങ്കാളിത്തത്തിന്റെ ശക്തി

• ഭരണത്തിലെ വിനയമപരമായ ഏകീകരണത്തിന്റെ ആവശ്യകത

• റിമോട്ട് സെൻസിംഗ്, ഇക്കോളജിക്കൽ മോഡലിംഗ്, മോളിക്കുലാർ ടെക്നിക്സ് തുടങ്ങിയ പുതിയ ഉപകരണങ്ങൾ

ഓറൽ, പോസ്റ്റർ പ്രദർശനങ്ങൾ, സാങ്കേതിക സെഷനുകൾ എന്നിവയും പരിപാടിയിൽ ഉൾപ്പെടും.

അക്കാദമിക്–ഇൻഡസ്ട്രി ഇന്റർഫേസ്: പ്രത്യേക സെഷൻ

സമ്മേളനത്തിന്റെ അവസാന ദിവസം സർക്കാർ, പൊതുമേഖല, സ്വകാര്യമേഖല, സർവകലാശാലകൾ, എൻ.ജി.ഒ.കൾ, സിവിൽ സൊസൈറ്റി സംഘടനകൾ എന്നിവയിലെ നേതാക്കൾ പങ്കെടുക്കുന്ന അക്കാദമിക്–

ഇൻഡസ്ട്രി ഇന്റർഫേസ് എന്ന പ്രത്യേക പാനൽ ചർച്ച നടത്തപ്പെടും. പരിസ്ഥിതി, ജലകൃഷി, മത്സ്യബന്ധനം, ഇക്കോ–റസ്റ്ററേഷൻ, ടൂറിസം, നാവിഗേഷൻ, ഹോസ്പിറ്റാലിറ്റി, തീരദേശ അടിസ്ഥാന സൗകര്യങ്ങൾ എന്നിവയുമായി ബന്ധപ്പെട്ട മേഖലകളാണ് ഇതിൽ പ്രതിനിധീകരിക്കുക.

ഈ വേദി ശാസ്ത്രീയ നവീകരണങ്ങളെ യാഥാർത്ഥ്യ പ്രയോഗങ്ങളുമായി ബന്ധിപ്പിക്കുകയും  സംരക്ഷണ ബന്ധിത ബിസിനസ് മോഡലുകൾ, സാങ്കേതിക പരിവർത്തനം, സംയുക്ത ഗവേഷണ-ഫീൽഡ്പ്രവർത്തനങ്ങൾ എന്നിവയ്ക്കുള്ള അവസരങ്ങൾ സൃഷ്ടിക്കുകയും ചെയ്യും.

പ്രധാന പങ്കാളികളിൽ ചിലർ:

• ഡോ. വി. എൻ. രാജശേഖരൻ പിള്ള, മുൻ എക്സിക്യൂട്ടീവ് വൈസ് പ്രസിഡന്റ്, കേരള സ്റ്റേറ്റ് കൗൺസിൽ ഫോർ സയൻസ്, ടെക്നോളജി ആൻഡ് എന്വയോൺമെന്റ്; മുൻ വൈസ് ചാൻസലർ, മഹാത്മാ ഗാന്ധി സർവകലാശാല, IGNOU; മുൻ ചെയർമാൻ, UGC

• ഡോ. അനിൽ കുമാർ, ചെയർമാൻ, കേരള സ്റ്റേറ്റ് ബയോഡൈവേഴ്സിറ്റി ബോർഡ് (KSBB)

• ഡോ. രിതേഷ് കുമാർ, ഡയറക്ടർ, വെറ്റ്ലാൻഡ്സ് ഇന്റർനാഷണൽ (ദക്ഷിണേഷ്യ)

ശാസ്ത്രീയ തെളിവുകൾ, പ്രവർത്തനപരിചയം, വിപണിയാഘാതം എന്നിവയെ ഏകീകരിച്ച് തണ്ണീർത്തട സംരക്ഷണം, തീരദേശ മാനേജ്മെന്റ്, ജൈവവൈവിധ്യ പുനരുദ്ധാരം എന്നിവ ശക്തിപ്പെടുത്താൻ വ്യവസായ പങ്കാളിത്തം കൂടുതൽ സജീവമാക്കുകയാണ് ട്രോപിക്കൽ ബയോസമ്മിറ്റ് 2025 ലക്ഷ്യമിടുന്നത്.

2025 നവംബർ 19-ന് കൊച്ചി, പനങ്ങാട് KUFOS ക്യാമ്പസ്സിൽ  വെച്ച് നടക്കുന്ന

സമിറ്റ് 21 ന് സമാപിക്കും.