സ്വകാര്യ ബസ് സര്‍വിസുകൾ നിർത്തി വെക്കാൻ ഒരുങ്ങി ബസ്​ ഉടമകള്‍.

ഉപയോഗിക്കാത്ത ബസിന് ഇന്‍ഷുറന്‍സ്, നികുതി എന്നിവ ഫോറം ജി സമര്‍പ്പിച്ചാല്‍ അട​ക്കേണ്ടതില്ല.

കോവിഡ്​ വ്യാപനം രൂക്ഷമായ സാഹചര്യത്തിൽ സര്‍ക്കാര്‍ നിയ​ന്ത്രണം കടുപ്പിച്ചതോടെ മോ​ട്ടോര്‍ വാഹന വകുപ്പിന്​ 'ഫോം ജി' സമര്‍പ്പിച്ച്‌ ​ സ്വകാര്യ ബസുകള്‍ നിര്‍ത്തിവെക്കാന്‍ നീക്കം. ഉപയോഗിക്കാത്ത ബസിന് ഇന്‍ഷുറന്‍സ്, നികുതി എന്നിവ ഫോറം ജി സമര്‍പ്പിച്ചാല്‍ അട​ക്കേണ്ടതില്ല. ഇതിനോടകം കോഴിക്കോട് ജില്ലയില്‍ 45 ശതമാനം സ്വകാര്യ ബസുകള്‍ സര്‍വിസ്​ നിര്‍ത്തിവെച്ചതായാണ്​ കണക്കുകൾ സൂചിപ്പിക്കുന്നത്. കോവിഡ്​ പ്രതിസന്ധിയെ തുടര്‍ന്ന്​ ഒരു വര്‍ഷത്തോളമായി ബസുകള്‍ക്ക്​ നികുതിയില്ല. മേയ്​ മാസത്തില്‍ ഈ ഇളവ്​ അവസാനിക്കും. വാഹനങ്ങള്‍ വാര്‍ഷിക അറ്റകുറ്റപ്പണി നടത്തി ടെസ്​റ്റ്​ ​ബ്രേക്ക്​ എടുക്കണമെന്ന നിബന്ധനയും ഒഴിവാക്കിയിരുന്നു. ഈ സാഹചര്യത്തില്‍ പോലും സര്‍വിസ്​ മുതലാവുന്നില്ലെന്നാണ്​ ഉടമകള്‍ പറയുന്നത്​. യാത്രക്കാരുടെ എണ്ണം പകുതിയായി കുറഞ്ഞതിന്​ പിന്നാലെ നിന്ന്​ യാത്ര അനുവദിക്കുന്നില്ലെന്ന്​ വന്നതാണ്​ കൂടുതല്‍ പ്രതിസന്ധിക്ക്​ കാരണമായത്. കോവിഡ്​ സാഹചര്യത്തില്‍ സര്‍വിസ്​ നിര്‍ത്തിവെക്കാന്‍ അസോസിയേഷന്‍ തീരുമാനമെടുക്കുന്നില്ലെന്നും ബസ്​ ഉടമകള്‍ സ്വന്തം തീരുമാനത്തിന്​ സര്‍വിസ്​ നിര്‍ത്തിവെക്കുകയാണെന്നും​ സ്വകാര്യ ബസ്​ ഓപറേറ്റേഴ്​സ്​ അസോസിയേഷന്‍ ജനറല്‍ സെക്രട്ടറി തുളസീദാസ്​ പറഞ്ഞു.

ചരിത്രം കുറിച്ച് നാസയുടെ ഇന്‍ജെന്യൂയിറ്റി ഹെലികോപ്റ്റര്‍ ചൊവ്വയില്‍ പറന്നുപൊങ്ങി.

Author
No Image
Sub-Editor

Sabira Muhammed

No description...

You May Also Like