പ്ലസ് വണ്‍ സപ്ലിമെന്ററി അലോട്മെന്റിന് തിങ്കളാഴ്ച വൈകിട്ട് വരെ അപേക്ഷിക്കാം

 സ്വന്തം ലേഖിക. 

പ്ലസ് വൺ സപ്ലിമെന്ററി അലോട്ട്മെന്റിനായി സംസ്ഥാനത്ത് ശനിയാഴ്ച മാത്രം 45,592 അപേക്ഷകൾ ലഭിച്ചതായി പൊതുവിദ്യാഭ്യാസ വകുപ്പ് അറിയിച്ചു.

പ്ലസ് വൺ മുഖ്യ അലോട്ട്മെന്റിൽ ഉൾപ്പെടാനായവർ, അതേസമയം ഇപ്പോൾ ആദ്യമായി അപേക്ഷിക്കുന്നവർ—ഇരുവർക്കും സമാനമായി അവസരം ലഭിച്ചിട്ടുണ്ട്.അപേക്ഷിക്കാനുള്ള അവസാന തീയതി തിങ്കളാഴ്ച വൈകിട്ട് അഞ്ചുമണിവരെ നീട്ടിയിട്ടുണ്ട്. ആദ്യ സപ്ലിമെന്ററി അലോട്ട്മെന്റ് ലിസ്റ്റ് വ്യാഴാഴ്ച രാത്രി പ്രസിദ്ധീകരിക്കും. തെരഞ്ഞെടുക്കപ്പെടുന്നവർ വെള്ളിയാഴ്ചയും ശനിയാഴ്ചയും സ്കൂളുകളിൽ പ്രവേശനം നേടേണ്ടതാണ്.57,920 സീറ്റുകളാണ് ഇപ്പോഴുള്ള സപ്ലിമെന്ററി അലോട്ട്മെന്റിന്റെ ഭാഗമായി പൊതുമെറിറ്റിലുളളത്. ഇവയിൽ 5,251 പേർ ഒന്നിലധികം ജില്ലകളിലേക്ക് അപേക്ഷിച്ചവരാണ്. ഇതുവരെ സ്വീകരിച്ച അപേക്ഷകളുടെ എണ്ണം സീറ്റുകളുടെ എണ്ണത്തേക്കാൾ കുറവായതിനാൽ കൂടുതൽ ആളുകൾ അപേക്ഷിക്കാൻ സാധ്യതയുണ്ടെന്ന് അധികൃതർ ചൂണ്ടിക്കാട്ടുന്നു.അപേക്ഷിച്ചവരിൽ 42,883 പേർ സംസ്ഥാന സിലബസിൽ പഠിച്ചവരാണ്. സിബിഎസ്‌ഇ വിഭാഗത്തിൽ നിന്നു 1,428 പേരും ഐസിഎസ്‌ഇ വിഭാഗത്തിൽ നിന്നു 120 പേരും അപേക്ഷിച്ചിട്ടുണ്ട്. അതോടൊപ്പം മറ്റ് സംസ്ഥാനങ്ങളിൽ നിന്നുള്ള 1,161 വിദ്യാർത്ഥികളും ഇതിനായി അപേക്ഷ സമർപ്പിച്ചിട്ടുണ്ട്.