സംയുക്ത മേനോൻ നായികയായി എത്തുന്ന ‘എരിഡ’; ഒക്ടോബർ 28 ന് ആമസോൺ പ്രൈമിൽ
- Posted on October 25, 2021
- Cinemanews
- By Sabira Muhammed
- 223 Views
യവന മിത്തോളജിയുടെ പശ്ചാത്തലത്തില്‍ സമകാലിക സംഭവങ്ങളെ പറ്റി പറയുന്ന ഒരു ത്രില്ലര്‍ ചിത്രമാണ് എരിഡ
സംയുക്ത മേനോനെ കേന്ദ്ര കഥാപാത്രമാക്കി വി.കെ. പ്രകാശ് സംവിധാനം ചെയ്യുന്ന ‘എരിഡ’ ആമസോൺ പ്രൈമിലൂടെ റിലീസ് ചെയ്യും. എരിഡ എന്നത് ഗ്രീക്ക് പദമാണ്. അരോമ സിനിമാസ്,ഗുഡ് കമ്പനി എന്നിവയുടെ ബാനറില്‍ അജി മേടയില്‍,അരോമ ബാബു എന്നിവര്‍ ചേർന്നാണ് നിര്‍മ്മാണം. ഒക്ടോബർ 28നാണ് ചിത്രത്തിന്റെ റിലീസ് തിയതി.
യവന മിത്തോളജിയുടെ പശ്ചാത്തലത്തില്‍ സമകാലിക സംഭവങ്ങളെ പറ്റി പറയുന്ന ഒരു ത്രില്ലര്‍ ചിത്രമാണ് എരിഡ. നാസ്സര്‍, കിഷോര്‍, ധര്‍മ്മജന്‍ ബോള്‍ഗാട്ടി, ഹരീഷ് പേരടി, ഹരീഷ് രാജ് എന്നിവരാണ് ചിത്രത്തിൽ മറ്റ് പ്രധാന വേഷങ്ങളിൽ എത്തുന്നത്. ചിത്രത്തിന്റെ ഛായാഗ്രഹണം എസ് ലോകനാഥന്‍ നിര്‍വഹിക്കുന്നു.
വൈ.വി. രാജേഷ് തിരക്കഥ–സംഭാഷണമെഴുതുന്നു. എഡിറ്റര്‍ സുരേഷ് അരസ്, സംഗീതം അഭിജിത്ത് ഷെെലനാഥ്, ലൈന്‍ പ്രൊഡ്യൂസര്‍ ബാബു, കല അജയ് മാങ്ങാട്, മേക്കപ്പ് ഹീര്‍, കോസ്റ്റ്യൂം ഡിസെെനര്‍ ലിജി പ്രേമന്‍, പരസ്യകല ജയറാം പോസ്റ്റര്‍വാല, പ്രൊഡക്‌ഷന്‍ കണ്‍ട്രോളര്‍ സഞ്ജയ് പാല്‍, വാര്‍ത്ത പ്രചരണം എ.എസ്. ദിനേശ്.
