'ദൃശ്യം 2' കന്നഡ റീമേക്ക്; ചിത്രങ്ങൾ പങ്കുവച്ച് നവ്യ നായർ

മറ്റു ഭാഷാ റീമേക്കുകളെപ്പോലെ 'ദൃശ്യ'ത്തിന്‍റെ കന്നഡ റീമേക്കും സൂപ്പര്‍ഹീറ്റ് ആയിരുന്നു. ഇപ്പോഴിതാ കന്നഡയിലും 'ദൃശ്യം 2' റീമേക്കിന്‍റെ ചിത്രീകരണം പുരോഗമിക്കുകയാണ്. രവിചന്ദ്രനും നവ്യ നായരും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം സംവിധാനം ചെയ്യുന്നത് ആദ്യ ഭാഗം ഒരുക്കിയ പി വാസു തന്നെയാണ്. ചിത്രത്തിന്‍റെ സെറ്റില്‍ നിന്നുള്ള  ചിത്രങ്ങള്‍ പങ്കുവച്ചിരിക്കുകയാണ് ഇപ്പോൾ നവ്യ നായര്‍.

മലയാളത്തിൽ മീന അവതരിപ്പിച്ച 'റാണി' എന്ന കഥാപാത്രത്തെയാണ് നവ്യ കന്നഡത്തില്‍ അവതരിപ്പിക്കുന്നത്. ജൂലൈ 12ന് ബംഗളൂരുവില്‍ ചിത്രീകരണം ആരംഭിച്ച സിനിമയില്‍ ആരോഹി നാരായണ്‍, പ്രമോദി ഷെട്ടി, ആശ ശരത്ത്, പ്രഭു, ആനന്ദ് നാഗ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.ചിത്രത്തിന്‍റെ രചന നിര്‍വ്വഹിച്ചിരിക്കുന്നത് എസ് സുരേഷ് ബാബുവാണ്.

നിവിൻ പോളി തമിഴിലേക്ക്