ബ്രന്മപുരം പ്രത്യേക സംഘം അന്വേഷിക്കും: മുഖ്യമന്ത്രി
- Posted on March 15, 2023
- News
- By Goutham Krishna
- 217 Views

തിരുവനന്തപുരം: ബ്രഹ്മപുരം മാലിന്യ പ്ലാന്റിലെ തീപിടിത്തത്തില് സമഗ്ര അന്വേഷണം പ്രഖ്യാപിച്ച് മുഖ്യമന്ത്രി പിണറായി വിജയന്. പൊലീസ് അന്വേഷണം, വിജിലന്സ് അന്വേഷണം, വിദഗ്ധ സമിതിയുടെ പരിശോധന എന്നിവയാണ് നടക്കുകയെന്ന് മുഖ്യമന്ത്രി നിയമസഭയില് പറഞ്ഞു. ചട്ടം 300 പ്രകാരം പ്രസ്താവന നടത്തുകയായിരുന്നു അദ്ദേഹം.
തീപിടിത്തത്തെത്തുടര്ന്ന് പൊലീസ് രജിസ്റ്റര് ചെയ്ത ക്രിമിനല് കേസില് പ്രത്യേക സംഘം അന്വേഷണം നടത്തും. ബ്രഹ്മപുരം പ്ലാന്റിന്റെ തുടക്കം മുതലുള്ള നടപടികളില് വിജിലന്സ് അന്വേഷണം നടത്തും. ഭാവിയില് ഇത്തരം സംഭവങ്ങള് ഉണ്ടാവാതിരിക്കാനുള്ള നടപടികള് നിര്ദേശിക്കുന്നതിനു വിദഗ്ധ സമിതിയെ നിയോഗിക്കുമെന്നും മുഖ്യമന്ത്രി അറിയിച്ചു.
സ്വന്തം ലേഖകൻ