പഴങ്ങളിൽ നിന്നും പഞ്ചസാര, തേങ്ങാപിണ്ണാക്കിൽ നിന്നും പ്രാതൽ കുഫോസിലെ ഗവേഷണം ശ്രദ്ധേയം.

സി.ഡി. സുനീഷ്.

പഴങ്ങളിൽ നിന്നും  പഞ്ചസാര,

തേങ്ങാപിണ്ണാക്കിൽ നിന്നും പ്രാതൽ കുഫോസിലെ ഗവേഷണം ശ്രദ്ധേയമായി അവതരിപ്പിക്കപ്പെട്ടത്,

ഭാവിയിലെ ഭക്ഷണം, കുഫോസിലെ ദേശീയ സമ്മേളനംത്തിൽ.

നവംബർ 17

 ഭാവിയിലെ ഭക്ഷണം - ശരിയായ ഉപയോഗവും നൂതന മാർഗങ്ങളും എന്ന വിഷയത്തിൽ ദേശീയ സമ്മേളനം കുഫോസിൽ നടന്നു.  മത്സ്യഫെഡ് മാനേജിംഗ് ഡയറക്ടർ ഡോക്ടർ പി സഹദേവൻ ഉദ്ഘാടനം ചെയ്തു. 

 ഇന്ത്യയുടെ വിവിധ ഭാഗങ്ങളിൽ നിന്നുമുള്ള 40 ഓളം ശാസ്ത്രജ്ഞരും വ്യവസായികളും അധ്യാപകരും ഗവേഷണ വിദ്യാർത്ഥികളും പങ്കെടുത്ത സമ്മേളനത്തിൽ 300 ഓളം പ്രതിനിധികൾ പങ്കെടുത്തു.

 ഭാവിയിലെ ഭക്ഷണത്തിനു വേണ്ട നൂതന ആശയങ്ങളാണ് സമ്മേളനം പ്രധാനമായും ചർച്ചചെയ്തത്. ഭക്ഷ്യസംസ്കരണ രംഗത്തെ പുത്തൻ പ്രവണതകൾ, നിർമ്മിത ബുദ്ധിയുടെ ഉപയോഗം, സുരക്ഷിത ഭക്ഷണത്തിന്റെ ശാസ്ത്രം എന്നിവയാണ് പ്രധാനമായും ചർച്ച ചെയ്തത്.

 പഴങ്ങളിൽ നിന്നും വേർതിരിച്ചെടുക്കുന്ന മധുരപദാർത്ഥങ്ങൾ, പഞ്ചസാരയ്ക്ക് പകരമായി ഉപയോഗിക്കുന്നതിനുള്ള സാങ്കേതികവിദ്യ സമ്മേളനത്തിൽ അവതരിപ്പിച്ചു. പഞ്ചസാരയെക്കാൾ ഷുഗർ ലെവൽ കുറവാണ് എന്നതിനാൽ പ്രമേഹ രോഗികൾക്കും ഉപയോഗിക്കാം എന്നതാണ് ഇതിന്റെ പ്രധാന ആകർഷണം. 

 തേങ്ങാപിണ്ണാക്കിൽ നിന്നും പ്രാതൽ ആയിരുന്നു മറ്റൊരു ആകർഷണം. പാചകം കൂടാതെ നേരിട്ട് കഴിക്കാവുന്ന രീതിയിലാണ് ഈ പ്രാതൽ ഉണ്ടാക്കിയത്. രണ്ട് ദിവസങ്ങളിലായി നടക്കുന്ന സമ്മേളനം നാളെ സമാപിക്കും.

കുഫോസ് വൈസ് ചാൻസിലർ ഡോക്ടർ എ ബിജു കുമാർ അധ്യക്ഷത വഹിച്ച ചടങ്ങിൽ ശ്രീമതി ധന്യ കെഎൻ ഡെപ്യൂട്ടി ഡയറക്ടർ എഫ് എസ് എസ് എ ഐ പ്രധാന പ്രമേയം അവതരിപ്പിച്ചു. 

ഡോ ദിനേശ് കെ രജിസ്ട്രാർ,    ഡോ സുരേഷ് കുമാർ എസ്, ഡയറക്ടർ ഓഫ് റിസർച്ച്, ശ്രീമതി ആശ കെ എൻ, ഫിനാൻസ് ഓഫീസർ എന്നിവർ ആശംസകൾ അറിയിച്ചു.