കുസാറ്റ് അപകടം: ഐസിയുവിലുള്ളവരുടെ ആരോഗ്യനിലയില് കാര്യമായ പുരോഗതി
- Posted on November 27, 2023
- Localnews
- By Dency Dominic
- 106 Views
![](https://enmalayalam.com/image/WhatsApp%20Image%202023-11-27%20at%205.42.33%20PM-ZzMA91Xih1.jpeg)
കുസാറ്റ് അപകടത്തില് പരിക്കേറ്റ് സ്വകാര്യ ആശുപത്രിയില് ചികിത്സയില് കഴിയുന്ന 2 വിദ്യാര്ത്ഥിനികളുടെ ആരോഗ്യ നിലയില് കാര്യമായ പുരോഗതിയുള്ളതായി ആരോഗ്യ വകുപ്പ് മന്ത്രി വീണാ ജോര്ജ്. ഇവരെ വെന്റിലേറ്ററില് നിന്നും മാറ്റിയിട്ടുണ്ട്. വിദ്യാര്ത്ഥികള്ക്ക് മാനസിക പിന്തുണ ഉറപ്പാക്കാന് സൈക്കോ സോഷ്യല് ടീമിന്റെ സേവനം ഉറപ്പാക്കാന് മന്ത്രി നിര്ദേശം നല്കി.
അപകടത്തിൽ 66 പേർക്ക് പരുക്കേറ്റിരുന്നു. പരുക്കേറ്റ 4 പേരുടെ നില ഗുരുതരമാണ്. ഗുരുതരനിലയിലുള്ളവരിൽ 2 പേർ മെഡിക്കൽ കോളജ് ആശുപത്രിയിലും കായംകുളം സ്വദേശി ഗീതാഞ്ജലി, മലപ്പുറം സ്വദേശി ശ്വേത എന്നിവർ ആസ്റ്റർ മെഡ്സിറ്റിയിലുമാണ്. 46 പേരെ കളമശേരി ഗവ.മെഡിക്കൽ കോളജ് ആശുപത്രിയിലും 16 പേരെ പത്തടിപ്പാലം കിൻഡർ ആശുപത്രിയിലും പ്രവേശിപ്പിച്ചു.