മോഹൻലാലിന്റെ '12ത് മാൻ' ചിത്രീകരണം തുടങ്ങി
- Posted on August 17, 2021
- Cinemanews
- By JAIMOL KURIAKOSE
- 270 Views
മോഹൻലാലും ജീത്തു ജോസഫും വീണ്ടും ഒന്നിക്കുമ്പോള് പ്രേക്ഷകരും ഏറെ പ്രതീക്ഷയിലാണ്
മോഹൻലാൽ -ജീത്തു ജോസഫ് കൂട്ടുകെട്ടിൽ എത്തുന്ന പുതിയ സിനിമയാണ് `12ത് മാൻ´. കെ ആര് കൃഷ്ണകുമാറിന്റെ തിരക്കഥയിലാണ് ചിത്രം പ്രേക്ഷകരിലേക്ക് എത്തുന്നത്. സിനിമയുടെ പ്രഖ്യാപനം തന്നെ ഓണ്ലൈനില് ശ്രദ്ധ ആകർഷിച്ചിരുന്നു. ഇപ്പോൾ പൂജാ ചടങ്ങുകളോടെ സിനിമയുടെ ചിത്രീകരണം തുടങ്ങിയിരിക്കുകയാണ്.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് ചിത്രം നിര്മിക്കുന്നത്. സതീഷ് കുറുപ്പ് ഛായാഗ്രാഹണം നിര്വഹിക്കുന്ന സിനിമയിൽ അനില് ജോണ്സന്റെയാണ് പശ്ചാത്തലസംഗീതം. ദൃശ്യം 2 എന്ന വൻ ഹിറ്റിന് ശേഷം മോഹൻലാലും ജീത്തു ജോസഫും ഒന്നിക്കുന്ന ചിത്രമാണ് 12ത് മാൻ. ഒരു ത്രില്ലര് ചിത്രമായിരിക്കും ഈ സിനിമ എന്നും സംവിധായാകൻ അറിയിച്ചു. മോഹൻലാലും ജീത്തു ജോസഫും വീണ്ടും ഒന്നിക്കുമ്പോള് പ്രേക്ഷകരും ഏറെ പ്രതീക്ഷയിലാണ്.