രമേശ് ചെന്നിത്തലയെ തള്ളി വി.ഡി.സതീശന് രംഗത്ത്
- Posted on February 16, 2022
- News
- By NAYANA VINEETH
- 155 Views
രമേശ് ചെന്നിത്തലയുടെ പ്രതികരണങ്ങളിൽ കെപിസിസി നേതൃത്വത്തിന് അതൃപ്തി
മുന്പ്രതിപക്ഷ നേതാവ് രമേശ് ചെന്നിത്തലയെ തള്ളി പ്രതിപക്ഷ നേതാവ് വി.ഡി.സതീശന്. നിയമസഭയിലെ നിലപാടുകള് യുഡിഎഫ് ആലോചിച്ചാണ് തീരുമാനിക്കുന്നതെന്ന് വി.ഡി.സതീശന്. ലോകായുക്ത ഓര്ഡിനന്സിലെ നിരാകരണ പ്രമേയം പാര്ലമെന്ററി പാര്ട്ടിയാണ് ആലോചിക്കേണ്ടത്.
തനിക്ക് പോലും ഒറ്റയ്ക്ക് അത്തരം തീരുമാനം എടുക്കാനാവില്ലെന്നും വി.ഡി.സതീശന് പറഞ്ഞു.നിരാകരണ പ്രമേയം കൊണ്ടുവരുമെന്ന രമേശ് ചെന്നിത്തലയുടെ പ്രഖ്യാപനവും ബിന്ദുവിനെതിരെ കോടതിയില് പോയതും പാര്ട്ടിയില് കൂടിയാലോചന നടത്താതെയാണെന്നും ആക്ഷേപമുണ്ടായിരുന്നു.
സംസ്ഥാനത്തെ കോണ്ഗ്രസ് നേതൃത്വത്തെ നോക്കുകുത്തിയാക്കുന്ന തീരുമാനങ്ങള് രമേശ് ചെന്നിത്തല കൈക്കൊള്ളുന്നതായി കെപിസിസി നേതൃത്വം. നിര്ണായക തീരുമാനങ്ങള് രമേശ് ചെന്നിത്തല പരസ്യപ്പെടുത്തുന്നതില് കെപിസിസി വിയോജിപ്പ് അറിയിച്ചതായും റിപ്പോര്ട്ടുകളുണ്ടായിരുന്നു. ഇതിന് പിന്നാലെയാണ് വി.ഡി.സതീശന്റെ പരസ്യ പ്രതികരണം.