Rsv4, Tuono V4 മോഡലുകളുടെ നവീകരിച്ച പതിപ്പ് അവതരിപ്പിച്ച് അപ്രില്ല
- Posted on January 24, 2022
- News
- By NAYANA VINEETH
- 185 Views
ഈ വര്‍ഷം തന്നെ ഇന്ത്യൻ വിപണിയിലേക്കും
RSV4, ടുവാനോ V4 മോഡലുകളുടെ നവീകരിച്ച പതിപ്പിനെ അന്തരാഷ്ട്ര വിപണികളില്‍ അവതരിപ്പിച്ച് നിര്‍മാതാക്കളായ അപ്രീലിയ. അപ്രീലിയയില്‍ നിന്നുള്ള മുന്‍നിര ബൈക്കുകളുടെ പുതിയ 2022 പതിപ്പ് പുതിയ കളര്‍ ഓപ്ഷനിലാണ് കമ്പനി അവതരിപ്പിച്ചിരിക്കുന്നത്.
രണ്ട് പുതിയ ബൈക്കുകള്‍ക്കും അള്‍ട്രാ ഡാര്‍ക്ക് എന്ന പുതിയ ലിവറിയാണ് കമ്പനി ഒരുക്കിയിരിക്കുന്നത്. ഈ പുതിയ കളര്‍ സ്‌കീം 2006 അപ്രീലിയ RSV4 1000R-ല്‍ നിന്ന് പ്രചോദനം ഉള്‍ക്കൊള്ളുന്നുവെന്നും നിര്‍മാതാക്കള്‍ വ്യക്തമാക്കുന്നു.
ഈ കളര്‍ സ്‌കീം ഗോള്‍ഡ് നിറത്തിന്റെ സൂചനകളുള്ള ഒരു മാറ്റ് ബ്ലാക്ക് നിറം ചേര്‍ക്കുന്നു. കൂടാതെ, രണ്ട് മോഡലുകളും സ്പോര്‍ട്സ് ബാഡ്ജുകള്‍, ലോഗോകള്‍, ഗോള്‍ഡന്‍ ഫിനിഷിലുള്ള ടെയില്‍ യൂണിറ്റ് എന്നിവയും ഉള്‍ക്കൊള്ളുന്നു. RSV4-ന് ഫെയ്ക്കായിട്ടുള്ള അലുമിനിയം വീലുകള്‍ കൂടുതലായും ലഭിക്കുന്നു.
ഏറ്റവും പുതിയ 2022 മോഡലുകളില്‍ പുതിയ കളര്‍ സ്‌കീം ഉപയോഗിക്കുന്നതിന് പുറമെ, ബാക്കി ഫീച്ചറുകളും സവിശേഷതകളും മാറ്റമില്ലാതെ തുടരുന്നുവെന്ന് വേണം പറയാന്‍. രണ്ട് മോട്ടോര്‍സൈക്കിളുകളും മെക്കാനിക്കലുകളുടെയും ഫീച്ചറുകളുടെയും കാര്യത്തില്‍ സമാനമാണ്.
