ആഘോഷങ്ങളില്ലാതെ തൃശൂര്‍ പൂരം നടത്താൻ തീരുമാനം!
- Posted on April 19, 2021
- News
- By Sabira Muhammed
- 388 Views
രണ്ടു ഡോസ് വാക്‌സിൻ എടുത്തതിന്റെ സര്‍ട്ടിഫിക്കറ്റോ കോവിഡ് നെഗറ്റീവ് സര്‍ട്ടിഫിക്കറ്റോ ഇല്ലാത്തവർക്ക് പൂരപ്പറമ്പിൽ പ്രവേശിക്കാൻ അനുമതി ഉണ്ടാവില്ല.
കോവിഡ് വ്യാപനത്തിന്‍റെ പശ്ചാത്തലത്തില്‍ ചീഫ് സെക്രട്ടറി വിളിച്ചുചേര്‍ത്ത യോഗത്തിൽ തൃശൂര്‍ പൂരം ചടങ്ങുകള്‍ മാത്രമായി നടത്താന്‍ തീരുമാനം. ചമയ പ്രദര്‍ശനവും 24ലെ പകല്‍പ്പൂരവും ഉണ്ടാകില്ല . എന്നാല്‍ മഠത്തില്‍ വരവും ഇലഞ്ഞിത്തറ മേളങ്ങളും ഘടക പൂരങ്ങളുമുണ്ടാകും. രണ്ടു ഡോസ് വാക്‌സിൻ എടുത്തതിന്റെ സര്‍ട്ടിഫിക്കറ്റോ കോവിഡ് നെഗറ്റീവ് സര്‍ട്ടിഫിക്കറ്റോ ഇല്ലാത്തവർക്ക് പൂരപ്പറമ്പിൽ പ്രവേശിക്കാൻ അനുമതി ഉണ്ടാവില്ല. ഇതോടൊപ്പം നിയന്ത്രണങ്ങളോടെയായിരിക്കും പ്രധാന വെടിക്കെട്ട് നടത്തുക. കോവിഡ് ബാധിതരുടെ എണ്ണത്തില്‍ ഒരാഴ്ചക്കിടെ വന്‍വർദ്ധനവുണ്ടായതോടെയാണ് ആഘോഷങ്ങളില്ലാതെ പൂരം നടത്താന്‍ തീരുമാനമായത്. കര്‍ശന നിയന്ത്രണം വേണമെന്ന് ആരോഗ്യവിദഗ്ധരും പോലീസും ആവശ്യപ്പെട്ടതിനോടൊപ്പം തിരുവമ്പാടി, പാറമേക്കാവ് ദേവസ്വങ്ങള്‍ പൂരം ആഘോഷമാക്കി നടത്തണമെന്ന നിലപാടില്‍ അയവ് വരുത്തിയിരുന്നു.
