സ്ത്രീധനത്തിൽ പൊലിഞ്ഞ ജീവൻ
- Posted on October 13, 2021
- News
- By Sabira Muhammed
- 210 Views
വിവാഹ സമ്മാനമായി നൽകിയ സ്വര്ണത്തില് കേവലം 38 പവന് മാത്രമാണ് പോലീസിന് കണ്ടെടുക്കാനായത്. അതും സൂരജിന്റെ വീട്ടില് കുഴിച്ചിട്ട നിലയിലായിരുന്നു
കൊല്ലം അഞ്ചലിലെ ഉത്ര കൊല്ലപ്പെടുന്നത് സ്ത്രീധനം എന്ന ദുരാചാരത്തിന്റെ ഇരയായി ആണ്. ഉത്രയെ സൂരജിന് വിവാഹം കഴിച്ചു നല്കിയത് നൂറു പവനിലേറെ സ്വര്ണവും ഏഴു ലക്ഷം രൂപയോളം വിലയുളള കാറുമെല്ലാം സമ്മാനമായി നല്കിയാണ്.
ദാരുണമായ ഈ കൊലപാതകം ഉത്രയ്ക്ക് കുടുംബം വിവാഹ സമ്മാനമായി നല്കിയ സ്വര്ണത്തിനു പുറമേ മറ്റു സ്വത്തുക്കളും കൂടി സ്വന്തമാക്കാനായിരുന്നു. പല കാര്യങ്ങള് പറഞ്ഞ് സൂരജ് ഉത്രയുടെ വീട്ടില് നിന്നും പണം ആവശ്യപ്പെട്ടു കൊണ്ടേയിരുന്നു.
ഉത്രയുടെ കുടുബം മകളുടെ നല്ല ഭാവിയെ കരുതി അനിഷ്ടങ്ങളൊന്നുമില്ലാതെ പണം നല്കുകയും ചെയ്തു. എന്നിട്ടും സൂരജിന് പണത്തോടുളള ആര്ത്തി അടങ്ങിയിരുന്നില്ല. ഉത്രയെ ഇല്ലാതാക്കി ഉത്രയുടെ സ്വത്തുക്കള് കൈക്കലാക്കാന് സൂരജ് തീരുമാനിക്കുകയായിരുന്നു.
അതിനു ശേഷം മറ്റൊരു വിവാഹം കഴിച്ച് വീണ്ടും സ്ത്രീധനം വാങ്ങണമെന്നും കൂടി തീരുമാനിച്ചുറപ്പിച്ചാണ് സൂരജ് ഉത്രയെ പാമ്പിനെ കൊണ്ട് കടിപ്പിച്ചു കൊന്നത്. വിവാഹ സമ്മാനമായി നൽകിയ സ്വര്ണത്തില് കേവലം 38 പവന് മാത്രമാണ് പോലീസിന് കണ്ടെടുക്കാനായത്. അതും സൂരജിന്റെ വീട്ടില് കുഴിച്ചിട്ട നിലയിലായിരുന്നു.