യുഎഇ യിൽ ഇനിമുതൽ ലിവിംഗ് ടുഗദർ ആവാം മദ്യപിക്കാൻ ലൈസൻസ് വേണ്ട

ഇസ്ലാമിക നിയമങ്ങളിൽ നിർണായക മാറ്റങ്ങളുമായി യുഎഇ, സ്ത്രീക്കും പുരുഷനും ലിവിംഗ് ടുഗദർ ആവാം, മദ്യപിക്കാൻ ലൈസൻസ് വേണ്ട; 

ഏറെക്കാലമായി തുടർന്നു വന്നിരുന്ന നിയമങ്ങൾ  ഭരണകൂടം പൊളിച്ചെഴുതാൻ ഒരുങ്ങുന്നു .രാജ്യത്തെ ഇസ്ലാമിക വ്യക്തിഗത നിയമങ്ങളിൽ നിർണായക മാറ്റങ്ങളുമായി യുഎഇ. മദ്യപാനം, അനന്തരാവകാശം, വിവാഹം, വിവാഹമോചനം, ലിവിംഗ് ടുഗദർ തുടങ്ങി നിരവധി നിയമങ്ങളിൽ യുഎഇ മാറ്റം കൊണ്ടുവരാൻ തീരുമാനിച്ചിട്ടുണ്ട്. 


ലിവിംഗ് ടുഗദറിനുള്ള അനുമതിയാണ് പുതിയ നിയമങ്ങളിൽ ശ്രദ്ധേയം. അവിവാഹിതരായ സ്ത്രീ പുരുഷന്മാർ ഒരുമിച്ച് കഴിയുന്നത് നിലവിൽ നിയമവിരുദ്ധമാണ്. ഇനി മദ്യപിക്കാൻ ലൈസൻസ് ആവശ്യമില്ല. അതേസമയം, മദ്യപാനം സ്വകാര്യമായിട്ടോ ലൈസൻസുള്ള ഇടങ്ങളിലോ ആകണം. 21 വയസ് തികഞ്ഞവർക്ക് മദ്യപിക്കാം. അതും കുറ്റകരമല്ല. സ്ത്രീകൾക്കെതിരായ കുറ്റകൃത്യങ്ങൾക്ക് കഠിന ശിക്ഷ നൽകും. ദുരഭിമാന കുറ്റകൃത്യങ്ങളെന്ന വിഭാഗം ഇനിയുണ്ടാകില്ല. പ്രായപൂർത്തിയാകാത്ത കുട്ടികളെയോ മാനസിക വെല്ലുവിളി നേരിടുന്നവരെയോ ബലാത്സംഗത്തിന് ഇരയാക്കുന്നവർക്ക് വധശിക്ഷ ലഭിക്കും.

വിദേശ നിക്ഷേപങ്ങളും ടൂറിസവും പ്രോത്സാഹിപ്പിക്കുന്നതിനു വേണ്ടിയാണ് പുതിയ നിയമങ്ങൾ നടപ്പിൽ വരുത്തുന്നത് എന്നാണ് ഇതിനുള്ള വിശദീകരണം 

Author
ChiefEditor

enmalayalam

No description...

You May Also Like