ട്വന്റി-ട്വന്റി പ്രവര്ത്തകന്റെ കൊലപാതകം; കിഴക്കമ്പലത്തും കുന്നത്തുനാട്ടിലും കര്ശന സുരക്ഷയൊരുക്കി പൊലീസ്
- Posted on February 19, 2022
- News
- By NAYANA VINEETH
- 145 Views
കിഴക്കമ്പലത്ത് വിളക്കണച്ചു പ്രതിഷേധിച്ച് സ്ട്രീറ്റ് ലൈറ്റ് ചലഞ്ചില് പങ്കെടുത്തതിനെ തുടര്ന്നാണ് സിപിഐഎം പ്രവര്ത്തകര് ദീപുവിനെ മര്ദിച്ചത്
സിപിഐഎം പ്രവര്ത്തകരുടെ മര്ദനമേറ്റ ട്വന്റി-ട്വന്റി പ്രവര്ത്തകന് ദീപു കൊല്ലപ്പെട്ട സംഭവത്തില് കിഴക്കമ്പലം-കുന്നത്തുനാട് പ്രദേശങ്ങളില് കര്ശന പൊലീസ് സുരക്ഷയേര്പ്പെടുത്തി. 300 പൊലീസുകാരെയാണ് സ്ഥലത്ത് വിന്യസിച്ചിട്ടുള്ളത്. പ്രദേശത്ത് സംഘര്ഷ സാധ്യത കണക്കിലെടുത്താണ് നടപടി.
അതേസമയം ദീപുവിന്റെ പോസ്റ്റ്മോര്ട്ടം നടപടികള് കോട്ടയം മെഡിക്കല് കോളജില് പൂര്ത്തിയായി. നടപടികള് പൂര്ണമായും കാമറയില് ചിത്രീകരിച്ചു. തുടര്ന്ന് ദീപുവിന്റെ മൃതദേഹം കിഴക്കമ്പലത്തെത്തിച്ച് പൊതുദര്ശനത്തിനുവെയ്ക്കും. വിലാപ യാത്രയായിട്ടാകും മൃതദേഹം വീട്ടിലേക്ക് കൊണ്ടുപോവുക.
കിഴക്കമ്പലത്ത് വിളക്കണച്ചു പ്രതിഷേധിച്ച് സ്ട്രീറ്റ് ലൈറ്റ് ചലഞ്ചില് പങ്കെടുത്തതിനെ തുടര്ന്നാണ് സിപിഐഎം പ്രവര്ത്തകര് ദീപുവിനെ മര്ദിച്ചത്. കാവുങ്ങപ്പറമ്പ് പാറപ്പുറം ഹരിജന് കോളനിയില് ചായാട്ടുഞാലില് ദീപു ആണ് ആന്തരിക രക്തസ്രാവത്തെ തുടര്ന്ന് മരിച്ചത്. കഴിഞ്ഞ 12നാണ് ദീപുവിന് മര്ദനമേറ്റത്. സംഭവത്തില് സൈനുദ്ദീന് സലാം, അബ്ദു റഹ്മാന്, അബ്ദുല് അസീസ്, ബഷീര് എന്നിവരെ പൊലീസ് അറസ്റ്റ് ചെയ്തിരുന്നു.
ഭൂമി ലഭിക്കാത്തതില് പ്രതിഷേധിച്ച് മുത്തങ്ങയിലെ ആദിവാസികള് വീണ്ടും സമരത്തിനൊരുങ്ങുന്നു