പുതിയ തലക്കെട്ടുമായി ഗൗതം മേനോൻ, സിമ്പു ചിത്രം
- Posted on August 07, 2021
- Cinemanews
- By Ghulshan k
- 211 Views
അപ്രതീക്ഷിതമായി ഇന്നലെ ചിത്രത്തിന്റെ പേര് മാറ്റുകയായിരുന്നു
സംവിധായകൻ ഗൗതം വാസുദേവ് മേനോൻ സിമ്പു കൂട്ടുകെട്ടിൽ പുറത്തിറങ്ങുന്ന ചിത്രത്തിന്റെ പുതിയ തലക്കെട്ടും ഫസ്റ്റ് ലുക്ക് പോസ്റ്ററും പ്രഖ്യാപിച്ചു. ഓഗസ്റ്റ് 6 വെള്ളിയാഴ്ച ഗൗതം മേനോൻ തന്റെ സോഷ്യൽ മീഡിയയിലൂടെ ആയിരുന്നു പ്രഖ്യാപനം നടത്തിയത്.
നദിഗളിലെ നീരാടും സൂര്യൻ എന്നായിരുന്നു ചിത്രത്തിന് ആദ്യം പേര് നൽകിയിരുന്നത്, പക്ഷെ അപ്രതീക്ഷിതമായി ഇന്നലെ ചിത്രത്തിന്റെ പേര് മാറ്റുകയും പുതിയ പേരോട് കൂടിയ പോസ്റ്റർ പുറത്തിറക്കുകയും ചെയ്തു. വെണ്ടു താനിന്തത് കടു എന്നാണ് സിനിമയ്ക്ക് ഇപ്പോൾ നൽകിയിരിക്കുന്ന പേര്. പുതിയ പോസ്റ്ററിൽ കാട്ടുതീയുടെ പശ്ചാത്തലത്തിൽ മുറിവേറ്റ സിമ്പുവിനെയാണ് നൽകിയിരിക്കുന്നത്, പുതിയ തലക്കെട്ടും പോസ്റ്ററും വനനശീകരണവും കാട്ടുതീയുമായി ബന്ധപ്പെട്ടാണ് സിനിമ ചർച്ച ചെയ്യുന്നതെന്ന് സൂചന നൽകുന്നു.
വേൽസ് ഫിലിം ഇന്റർനാഷണലിന്റെ പ്രൊഡക്ഷൻ ബാനറിൽ ഇഷാരി കെ ഗണേഷും അശ്വിൻ കുമാറും ചേർന്ന് നിർമ്മിച്ച ചിത്രത്തിന്റെ സംഗീതസംവിധായകൻ എ ആർ റഹ്മാനാണ്. സിമ്പു, ഗൗതം വാസുദേവ് മേനോൻ, എ ആർ റഹ്മാൻ എന്നിവർ മുമ്പ് വിണ്ണൈത്താണ്ടി വരുവായ, അച്ഛം യെൻബന്ധു മദമയ്യട തുടങ്ങിയ സിനിമകളിൽ ഒരുമിച്ച് പ്രവർത്തിച്ചിട്ടുണ്ട്.