കേരളത്തിൽ എസ്.എസ്.എൽ.സി പരീക്ഷ ഇന്ന് അവസാനിക്കും

കൊച്ചി : സംസ്ഥാനത്ത് എസ്.എസ്.എൽ.സി പരീക്ഷകൾ ഇന്ന് അവസാനിക്കും. 4,19,362 പേരാണ് എസ്.എസ്.എൽ.സി പരീക്ഷ എഴുതിയത്. ഇതിൽ 2,13,801 പേർ ആൺകുട്ടികളും 2,05,561 പേർ പെൺകുട്ടികളുമാണ്. പതിനെട്ടായിരത്തോളം അധ്യാപകർ പങ്കെടുക്കുന്ന ഉത്തരക്കടലാസ് മൂല്യ നിർണയം സംസ്ഥാനത്തെ 70 ക്യാമ്പുകളിലായി ഏപ്രിൽ 3 മുതൽ 26 വരെ നടക്കും. മൂല്യ നിർണയ ക്യാമ്പുകൾക്ക് സമാന്തരമായി ടാബുലേഷൻ ജോലികൾ ഏപ്രിൽ 5ന് പരീക്ഷ ഭവനിൽ ആരംഭിക്കും. മേയ് രണ്ടാംവാരം ഫലം പ്രഖ്യാപിക്കും.

പ്രത്യേക ലേഖിക