തൃക്കാക്കരയില് രണ്ടരവയസുകാരിക്ക് മര്ദനമേറ്റ സംഭവം; മര്ദിച്ചിട്ടില്ലെന്ന് വെളിപ്പെടുത്തി ആന്റണി ടിജിന്
- Posted on February 23, 2022
- News
- By NAYANA VINEETH
- 149 Views
കുട്ടി സ്വയം വരുത്തിവെച്ചതാണെന്നും മന്ത്രവാദത്തില് വിശ്വാസമില്ലെന്നും ആന്റണി ടിജിന്
തൃക്കാക്കരയില് രണ്ടരവയസുകാരിക്ക് മര്ദനമേറ്റത് മന്ത്രവാദത്തിന്റെ ഭാഗമായാകം എന്ന ബന്ധുക്കളുടെ സംശയത്തെ തള്ളി ആന്റണി ടിജിന്. താന് കുട്ടിയെ മര്ദിച്ചിട്ടില്ലെന്നും കുട്ടി അപകടം തനിയെ വരുത്തി വെച്ചതാണെന്നും ആന്റണി ടിജിന് പറഞ്ഞു.
കുടുംബത്തില് താന് അന്ധവിശ്വാസം പ്രചരിപ്പിച്ചെന്ന വാദത്തെ ആന്റണി പൂര്ണമായും തള്ളി. താന് ദൈവവിശ്വാസിയാണെന്നും കൂടോത്രത്തിലോ മന്ത്രവാദത്തിലോ വിശ്വസിക്കുന്നില്ലെന്നും ഇയാള് പറഞ്ഞു.
കുട്ടി ജനലിലേക്ക് കസേരയിട്ട് കയറി എടുത്ത് ചാടുന്നത് പതിവാണെന്നും ഇത്തരത്തില് അപകടം സ്വയം വരുത്തി വെച്ചതാണെന്നുമാണ് ഇയള് പറയുന്നത്. കാര്ട്ടൂണ് കണ്ടാണ് കുട്ടി ഇങ്ങനെ ചീത്തയായി പോയതെന്നും ഇയാള് പറയുന്നു. കുട്ടി ഹൈപ്പര് ആക്ടീവ് അല്ലെന്ന് പറയുന്നവര് കുട്ടിയോട് അടുത്ത് ഇടപെടാത്തവരാണ്.
കൂടോത്രം എന്ന് സംശയിക്കുന്ന മുട്ട തനിക്ക് കിട്ടിയെന്ന് ബന്ധു പറഞ്ഞത് സത്യമാണ്. എന്നാല് മുട്ട കുട്ടിയുടെ അച്ഛന് തന്നെയാകും വച്ചതെന്ന് ഇതേ ബന്ധു തന്നെ പറഞ്ഞിരുന്നെന്നും ആന്റണി ടിജിന് പറഞ്ഞു.
കുഞ്ഞ് കോലഞ്ചേരി മെഡിക്കല് കോളജിലെ വെന്റിലേറ്ററില് തുടരുന്നു