'ജയ് ഭീം' ഉൾപ്പെടെ 2ഡി എന്റർടൈമെന്റ് നിര്‍മ്മിക്കുന്ന നാല് ചിത്രങ്ങള്‍ ആമസോണ്‍ പ്രൈമിൽ

 1993ലെ യഥാർത്ഥ കഥയാണ് ചിത്രം പറയുന്നത്

സൂര്യയുടെ നിര്‍മ്മാണക്കമ്പനിയായ 2ഡി എന്റർടൈമെന്റ് നിര്‍മ്മിക്കുന്ന നാല് ചിത്രങ്ങള്‍ ഒടിടി റിലീസ് ആയി ആമസോണ്‍ പ്രൈമിലൂടെ പ്രക്ഷകർക്ക് മുന്നിലേക്ക്‌ എത്തുന്നു. സൂര്യ തന്നെ നായകനാവുന്ന 'ജയ് ഭീ'മിനൊപ്പം മറ്റു മൂന്ന് ചിത്രങ്ങളുടെ റിലീസും പ്രൈം വീഡിയോ പ്രഖ്യാപിച്ചു.

വക്കീൽ വേഷത്തിലാണ് ചിത്രത്തിൽ സൂര്യയുടെ വരവ്. 1993ലെ യഥാർത്ഥ കഥയാണ് ചിത്രം പറയുന്നത്. ആ കാലഘട്ടത്തിലെ ആദിവാസി സ്ത്രീകളുടെ നീതിക്ക് വേണ്ടി പോരാടിയ ചന്ത്രു എന്ന കഥാപാത്രമായാണ് സൂര്യ എത്തുന്നത്. പ്രകാശ് രാജ്, ലിജോ മോൾ ജോസ്, രജിഷ വിജയൻ തുടങ്ങി പ്രമുഖ താരങ്ങളും ചിത്രത്തിലെത്തുന്നുണ്ട്.

ടി ജെ ജ്ഞാനവേല്‍ സംവിധാനം ചെയ്യുന്ന 'ജയ് ഭീം' കൂടാതെ ശശികുമാറിനെയും ജ്യോതികയെയും പ്രധാന കഥാപാത്രങ്ങളാക്കി ഇറ ശരവണന്‍ സംവിധാനം ചെയ്യുന്ന 'ഉടന്‍പിറപ്പേ', സരോവ് ഷണ്‍മുഖം സംവിധാനം ചെയ്യുന്ന 'ഓ മൈ ഡോഗ്', അരിസില്‍ മൂര്‍ത്തി സംവിധാനം ചെയ്യുന്ന 'രാമെ ആണ്ടാളും രാവണെ ആണ്ടാളും' എന്നിവയാണ് ആമസോണ്‍ പ്രൈമിലൂടെ നേരിട്ട് എത്തുന്ന മറ്റ് സിനിമകൾ. 'രാമേ അണ്ടാളും രാവണെ ആണ്ടാളും' സെപ്റ്റംബറിലും 'ഉടന്‍പിറപ്പേ' ഒക്ടോബറിലും 'ജയ് ഭീം' നവംബറിലും 'ഓ മൈ ഡോഗ്' ഡിസംബറിലുമാണ് റിലീസ് ചെയ്യുക.

'പൊന്നിയിൻ സെൽവൻ' കഥാപാത്രങ്ങളുടെ പേര് വെളിപ്പെടുത്തി